Thursday, March 17, 2011

اهلا اهلا يا مدام عبير ...الجزء التاني

لغز من8 حروف
م د ا م ....ع ب ي ر

ايوة يعني مين ؟
.........
طيب امتى ؟
قريب ان شاء الله 

انا قربت اكلم الحيطان  اللى فى الاوضة...مش قلتو قريب ؟؟مين بقى 
..................
طيب المكتب هييجي امتى الاوضة؟
قريب ان شاء الله 


خلاااااااااااص طظ فيكم كلكم 
انتو عاملينه لغز 
اللى ييجي ييجي واللى مايجيش مايجيش 
خلينى قاعده كده للى رايح واللى جاى مش لاقى حد غيري يبص عليه 
.
.
.
.
هااااااااااااااااااااا ..المكاتب جت 
مين بقى ؟
...........
برضه ؟يا ولاد اللذين مااااااااااشي اديها طناش بقى 
.
.
.
.
ايه المنظر ده؟؟؟؟يا عم عبده ماينفعش كده ...انت هتسيب الاوضه كده ؟ ده ولا كاني فى مخزن ؟
بعدين هاجي  اظبطه 
طيب ماتشوف مين اللى هييجى يقعد على المكتب ييجى النهارده وتظبط الاوضه بالمرة 
................
ماااااااااااشي ..مانا اللى انسحبت من لساني زي العيال ..نرجع للطاش




لالالالالا
انا مش هقعد كده فى الكركبه دى ولحد امتى ؟




يا مديري المحترم ..ممكن تقول لعم عبده ييجى ينظف المكان ويروقه انا حاسه انى قاعده فى مخزن
هههه..طيب 
لا بجد والله الاوضه شكلها وحش قوى وانا معرفش اقعد فى كركبه كده 
يعنى انتى مابتحبيش الكركبه فى بيتك 
لا طبعا ...صحيح بيتكركب بس بروقه على طول 
طيب مش عايزة تعرفى مين هييجى معاكي فى المكتب :)
لاخلاص مش مهم اعرف ..انتو محسسنى انه لغز ...المهم الاوضه تتروق
...........
يابن الاييييييييييه ....برضه كده ؟ طيب اوك 






ايه رايك يا مدام عبير ؟
اممممممم ..مش عارفه بجد ...
ايه ده ؟؟؟هما بيسالوها رايها فى ايه بالظبط ؟؟؟وانا قاعده ؟ هما بياخدو رايها فيا ولا ايه  ؟؟؟
 :)
لالالا ....مش عايزه ...انا مرتاحه فى مكتبي 
بس ده مدير مدير مديري هو اللى قال تييجى هنا 
ها ؟  نعم ؟ مين فين امتى ؟ تيجيى فين ؟ مدام عبيييييييييير تييجى معايا انا ؟يعنى كده انا راحت عليا...خلاص هينفضولى ويجيبو مدام عبير مكاني 
:(
ها يا مدام عبير ؟ خلاص هتييجى هنا فى مكتب كبير وفى اوضه واسعه
لالالا ...ليه بس؟ ...انا مرتاحه فى مكتبي
بس ده مكتب كويس يا مدام عبير وبعيد عن الدوشة والهيصه والرغي
لالالا...امممممممم ..طيب هفكر 
تفكرى فى ايه اختي ..هو حد يحلم يقعد فى المكتب اللى جنب المدير ...تعالى ياختي تعالى ولا انا مش عاجباكي ؟؟؟ولا يمكن مش عاجباكى ...بتتامرى كمان وبيتحايلو عليكي ....عملالهم سحر دى ولا ايه ؟
.
.
.
.
.
هى هتتامر كمان ...وهو انا هقعد افرك كده واستنى لما تفكر ..هو انا قد كده بخوف العيال؟
طيب والله لاتصل بيكي واخليكي تيجي تقعدى فى وشي 
على الاقل اامن سحرك ياختي واهو انتى احسن من غيرك اللى  لسه ماعرفتوش  واهو ست تقعد معايا احسن من راجل يجيبلى مشاكل فى البيت
.....


ها يا مدام عبير ؟ فكرتى فى كلامهم ؟
لسه بفكر والله مش عارفه 
هو انا قد كده وحشة ومش عايزه تقعدى معايا ؟
لالالالالا ابدا ماتقوليش كده ..بس انا اتعودت على مكانى ومكتبي وماصدقت اخد على المكان 
بس بجد هنا انسبلك ..ده حتى مدير المدييييييير هو اللى اختاره ليكي وشايفه ميزة مش عيب..وقال مدام عبير تييجى تقعد هنا مع الموظفه الجديده

ا(اه ياختي ماتفتكريش اني همشي ...لاااااااااا..قاعدالك على قلبك)ا
)    
والله انا عارفه ...بس متردده 
لالالا تعالى تعالى تونسيني وتقوليلهم يظبطو الاوضه ونرتاح بقى من الانتظار ده 
طيب خلاص انا جايه 
...........
.
.
يا بركاااااااااتك يا مدام عبير 

بقدرة قادر وباسرع من سرعه الصوت والضوء والالوان 
الاوضه اترتبت
والكمبيوتر بتاع مدام عبير وصل المكتب  واتوصل فى اقل من نص ساعه
والمفتاح اللى انا  طلبته بقالى 3 شهور جالى انا نسخه وهى نسخه...طبعا لازم نسخه لمدام عبير امال تبقى زيي تييجى تلاقى الاوضه مقفوله وتدور بالنص ساعه على اللى يفتحولها..مايصحش برضه 
والدولاب اللى ريقي نشف من طلبه وصل الاوضه واتحط فى مكانه التمام 


والاوضه دبت فيها الروح ..والالوان ..والبرفان ...
وظهرت الرجاله ....وشوية ستات
:)


اهلا اهلاااااااااااااا يا مدام عبير 

والله انا مش عارفه انا من غيرك كنت هعيش ازاى  فى المكتب لوحدى

واستنونى الجزء التالت 
:)

Posted by at

16 comments:

  1. mrmrMarch 17, 2011 at 8:53 AM

    اهلا بالزائد اللى مش عزيز
    ربنا يستر
    شكلنا كده ح نسمع ونشوف مغامرات تشيب من مدام عبير
    ربنا يديلك الصبر وطولت البال

    ReplyDelete
  2. CarmenMarch 17, 2011 at 5:51 PM

    ياعيني عليك ياختي قدرك معلش^_^
    في انتظار الجزء التالت دونت لايت ^_*

    ReplyDelete
  3. مصطفى سيف الدينMarch 19, 2011 at 1:04 AM

    لا وعاملة نفسك صاحبة واجب وشغالة تمسكي فيها خليكي معايا تونسيني قال
    وبتقنعيها بكل الطرق
    دوقي بقى
    ههههههه
    مستني الجزء التالت اكيد في مصايب

    ReplyDelete
  4. eng_semsemMarch 19, 2011 at 10:48 AM

    يعني كويس انها طلعت ليها فوائد يارب تكمل فوايدها معاكي وما تتقلبش بمعارك
    تقبلي تحياتي وفي انتظار البقيه

    ReplyDelete
  5. الاحلامMarch 19, 2011 at 12:17 PM

    المشكله فى انه يتعارض عملها مع عملك لاكن اذا كان هناك عمل خاص بكى وانتى تقومى عليه باكمل وجه وهى ليها عملها التى تقوم به يبقى مافى مشكله لاكن لو هتشارك فى صميم عملك تبقى المشكله هتكبر وعاوز حل
    تحياتى لكى بحياه افضل بجوار مدام عبير
    تقبلى تحياتى الاحـــــــلام

    ReplyDelete
  6. سكرتيرة جديدةMarch 22, 2011 at 2:15 AM

    mrmr
    ----

    ربنا يستررررر

    انا حاطه ايدي على قلبى برضه
    :)

    ReplyDelete
  7. سكرتيرة جديدةMarch 22, 2011 at 2:16 AM

    carmen
    -------
    اى ويل نوت
    اى ويل بى باك
    :)

    ReplyDelete
  8. سكرتيرة جديدةMarch 22, 2011 at 2:18 AM

    مصطفى سيف
    ----------
    شكل مدام عبير سحرتلك انت كمان يا مصطفى

    ويبقى كده من ناحيه المصايب

    حاسس بمصيبة جيالى ...يا لطيف يا لطيف

    ReplyDelete
  9. سكرتيرة جديدةMarch 22, 2011 at 2:20 AM

    eng_semsem
    -----------
    ربنا يستر يا سمسم
    لحسن انا حاسه انى هستقيل اجبارى قريب

    ReplyDelete
  10. سكرتيرة جديدةMarch 22, 2011 at 2:23 AM

    الاحلام
    -----
    لا الحمد لله
    حتى الان اختصاصاتى الاساسية معايا
    والا بقى مالوش لازمه اقعد هناك اصلا ويبقى امشي اكرملى من الدخول فى معركه هتكسبها بالثلث : الاقدمية و الشياكه و انها مدام عبير
    :)

    ReplyDelete
  11. Days and NightsMarch 22, 2011 at 5:21 AM

    الأخت الغالية

    رائع ما تخطة أناملك ... تحية خاصة عطرة لشخصكم الكريم ... تم الإشتراك بمدونتكم الرائعة .
    تقبلى تحياتى

    دمتى بكل الحب

    أخوك / تامر

    ReplyDelete
  12. همس الحنينMarch 23, 2011 at 7:35 PM

    صباحك ورد
    هههههههههههههههه
    واللهي حزنتيني وكمان عماله تمسكي فيها طيب تعالي سيبيني عليها دنا كنت اشد لك شعرها <<<
    مستنيه مغامراتك معاها ربنا يكون في عونك
    ماتتأخريش
    صباحك سكر

    ReplyDelete
  13. سكرتيرة جديدةMarch 25, 2011 at 2:18 AM

    Days and Nights
    ---------------
    شكرا على ردك الراقي والجميل

    اتمنى زيارتك الدائمة لمكتبى

    :)

    ReplyDelete
  14. سكرتيرة جديدةMarch 25, 2011 at 2:19 AM

    همس الحنين
    -------
    ان شاء الله مش هتاخر
    ان شااااااء الله

    ربنا يستر
    :)

    ReplyDelete
  15. الاحلامMarch 25, 2011 at 1:31 PM

    انا خايف تكون مدام عبير عملت معاكى مشاكل فى الفتره الماضيه لو عملت ارجوكى احكيلنا عليها
    اين ابداعات قلمك اتمنى انك تكونى بخير دائما
    تقبلى تحياتى الاحــلام

    ReplyDelete
  16. سكرتيرة جديدةMarch 26, 2011 at 8:38 PM

    الاحلام
    -------
    قلبك دليلك
    :)

    البوست الجديد طلع من الفرن
    بس معلش المرة دى مافيهوش ابداع

    شكرا لاهتمامك

    ReplyDelete

Subscribe to: Post Comments (Atom)