اول مرة اشوفها كان اول يوم ليا فى التدريب
وساعتها قلت ماشاء الله مين العسولة القمر دى
ومدام عبير هنا مثال واحد من ضمن 4 او 5 امثلة فى الشغل
كلهم تقريبا نفس الوصف للاسف
ربنا يهدينا جميعا
الكعب العالي
الشعر المتسرح ..كل يووووووووم ..مافيش مرة تيجي منحكشة
البرفان اللى يوصلكم من قبل ما تدخلو المكتب اللى هى فيه
اللبس الشيك
الابتسامة الهادية والصوت الرقيق
والذوق والاحترااااااااااام الشديد ...اللى يخليك غصب عنك لازم تحترمها ..والا هتشوف وشها التانى واللى بعده هتلاقى نفسك برة المؤسسة مطرود شر طرده
يجعل كلامنا خفيف عليكي يا مدام عبير
اصل سحرها وااااااااصل ...ونفوذها نااااااااااااافذ لحد مكتب مدير مدير المدير
وده ماعفرتوش غير متاخر ...وده هيكون تفسيره فى الجزء التانى
مدام عبير
مش فى مركز كبير لكن فى وظيفه مهمة فى المؤسسة
ولان يمكن بقالها فترة كبيرة واتقانها لشغلها وطبعا الوصف اللى وصفتهولها
كلللللللللللل ده عملها مكانة حلوة فى قلوب كل الناس
الا صنفين على ماظن
اولا: موظفة جوزها شغال فى المؤسسة ويعرف مدام عبير
وثانيا : موظفة جوزها شاف مدام عبير بالصدفة
لان فى الحالتين مابيبقاش فى قلب الموظفة اى مكانة غير الغيرة من مدام عبير
وانا بقى من الصنف التاني
:)
ولان جوزى شافها مرتين تلاته بتصادف يكون موصلنى الصبح او جاى ياخدنى من الشغل وتكون مدام عبير نازلة فى نفس الوقت
قررت انى لازمن ولابد اوصل الشغل قبل منها بربع ساعه على الاقل
او انزل قبل منها بسررررررررررعه الحق الراجل فى الشارع قبل مارقبته تتكسر من التدوير على مادم عبير ...احم احم اقصد من التدوير عليا
:)
اهلا اهلااااااااااااااااااااااا يا مدام عبير
والله منورة بجد
ونكمل الجزء الجاى
السلام عليكم
ReplyDeleteفعلا ثقتك فى نفسك قصدى فى زوجك واضحة جدا وكمان حبك لمدام عبير يعنى هينط من البوست
مستنى مدام عبير قصدى الجزء الثانى
هههههههه
ReplyDeleteدمك شربات يا وزه
الرجاجيل يا اوختى مش ح تقدرى تغمضى عنينهم
دا حال الكل
مستنيه الجزء الثانى يا قمر
اقعدى بالعافيه
هههههههههههههههههه
ReplyDeleteدمك خفيف اوي
بس يا ريت تعرفيني على مدام عبير :)
بهزر طبعا
مشكلتك حلها الوحيد انك تحاولي تثقي في نفسك اكتر ونثقي في جوزك اكتر
وبعدين الصنف بتاع عبير ده بيبقى في الغالب اعجاب لكن اللي في القلب بيكون الزوجة والولاد
تحياتي وخلي بالك من جوزك شوية
علشان ميبصش لعبير ولا غير عبير :)
هههههه عارفاهم انا النماذج دي
ReplyDeleteع قولتك ربنا يهدينا جميعا
صباحك سكر
ReplyDeleteهههههههههههههههه
وربنا مت ضحك أسلوبك حلو اوي
بس عارفة مش بلومك ابداً على الغيرة
صحيح لازم تكوني واثقة في زوجكِ وفي نفسك اولاً
بس برضو نصيحة مني احترسي وخدي بالك من مدام عبير
اصل الايام دي النمازج الي ذكرتيها
بتبقى واصلة بمعنى بتوصل بالبرفان والمحزق واللدلع
نامي بدري واصحي بدري عشان تلحقي توصلي قبل مدام عبير ههههههههههه
دمتِ بسعادة
وبجد سعيدة باكتشاف مدونتك
انا حفضل متابعاكي ماتتأخريش بالجزء الثاني
يمكن تكوني قطمتي رقبة مدام عبير ونرتاح
هههههههههه
تحياتي
بعد الشيكولاته واللذى منه اقول لكى كلمه واحده
ReplyDeleteمن الواضح فى حوارك عن مدام عبير انك بتغيرى على زوجك جدا حاولى ان تدارى غيرتك لان لو عرف هذا سيكون عرف وتر مهم ممكن ان يلعب عليه فى المرحله القادمه
ربنا يخليكوا لبعض ويسعد اوقاتكم دائما
دمتى بخير اختى تقبلى تحياتى الاحــــــلام
رحلة حياة
ReplyDelete----------
انا مش هقولك غير مثل واحد :
يا مامنة للرجال يا مامنة للميا فى الغربال
والمثل ده اكبر دليل على انى واثقة جدااااااااا فى نفسي
:)
mrmr
ReplyDelete-----
ومن سمعك يا اختشي
مدام عبير...مش هتقدر تغمض عنيك
:)
مصطفى سيف
ReplyDelete----------
حتى انت يا اسبارتكوس
والله لو قدنا صوابعنا العشرة شمع
الطبع غلاااااااااااااب
وعبير مالية البلد
ولاول مرة بحكى حاجه وهى مابتمثليش مشكلة
لان المشكلة فى الجزء التاني يا معلم
:)
carmen
ReplyDelete------
اللهم امين
والله نفسي ربن يهدينى
وساعتها لا هيهمنى عبير ولا عصير
بس عقولتك دى غريبة على المصريين
انتى شامية؟
همس الحنين
ReplyDelete--------
جبتى من الاخر يا همس "حرص ولا تخون"
اهلا بيكي يا قمر فى مكتبي
وان شاء الله هنزل الجزء التاني قريب
بس لما يستوي فى الفرن كويس
:)
الاحلام
ReplyDelete------
هو لسه هيعرف انى بغير عليه
:)
لان الاهم من انه مايعرفش انى بغير عليه انه مايعرفش انا بغير عليه قوى من مين
لانه ساعتها هيركزززز اكتر ويعرف ان فيها حاجه مميزة تخلينى اغير عليه منها
:)
والغيرة مش معناها عدم ثقه فى النفس
ولكن : حب + انانية +حب تملك = غيرة
مع وجود الثقة فيا وفيه
لكن ده جوزي انا مايبصش غير عليا
زى انا مابسمحش لنفسي انى ابص لحد غيره
لكن نقول ايه فى الرجاله
ونقول ايه فى الستات الى مش عايزه تجيبها لبر
ربنا يهدينا ويحسن ختامنا
هههههههههههه عسولة اقولك ابعتيلى مدام عبير وانا اكسرلك رقبتها يعنى اية واحدة تحط برفان وتسرح شعرها وتلبس شيك
ReplyDeleteلا دى زودتها خالص
انتى مية مية وكيدة العزال من يومك بس محدش واخد بالة لكن عبير من برة هلا هلا ومن جوة يعلم الله
بوست عسل ودمة شربات زى صحبتة
سؤال صغير فين قائمة المتابعين يعنى اعرف ازاى انك كتبتى بوست جديد ياريت تحطى قائمة علشان اقدر اتبعك يا عسولة
ReplyDeleteصباحك سكر سكرتيرة جديدة
ReplyDeleteانتي فين دنا عماله ادخل واخرج في مدونتك
مستنيه خناقتك مع مدام عبير هههههههههه بهزر طبعا
ربنا يخليلك جوزك ويعمي عنيه الا عنك
هههههههه
ماتتأخريش علينا
مستنياكي
صباحك شربات
الأخت الفاضلة
ReplyDeleteمدونة جميلة ورائعة ... تقبلى مرورى وتعليقى ... ودمتى بكل الود
أخوك / تامر
Days and Nights:
ReplyDelete-----------------
اهلا بيك يا تامر فى مكتبي
ومنور طبعا واتمنى زيرتك الدائمه
همس الحنين
ReplyDelete-------
معلش اتاخرت على ما طلعت البوست من الفرن
زى ما هتشوفى طويل وماكنتش عارفه ابداه منين بالظبط
شكرا لاهتمامك ويارب تنورى مكتبي دايما
هبه فاروق
ReplyDelete----------
يعني ايه قائمة المتابعين ؟
معلش اصلى مش مركزة غير فى مدام عبير الايام دى
:)
وهى مش زودتها خالص دى زودتها خالص خالص خاااااااالص
مانجلكيش فى كسر رقبة يا اختشي