انا مالى اذا كان المدير بنته بتجيله الشغل ؟
هشتغلها بيبى سيتر ولا ايه ؟
اقعد اطبعلها فى رسومات وتقعد تلون فى مكتبى بمناسبه ايه بقى ؟
ده حتى بت بايخه ولا بتقول شكرا وللا لو سمحتى ولا اى حاجه
ومع ذلك قلت ماشي وحاولت اعاملها كطفله ولو انى مابعرفش اتعامل مع العيال اللى معرفهاش
ولكن عملت اللى عليا وقعدتها فى مكتبى قاعده ترغى وتتنطط وتشيل فى الاقلام وتحطها وتشخبط على الترابيزة
لحد ما ابوها جه خدها وريحنى
كان عندى كلام كتير جدا عايزة اطرطشه فى وشه
زى بنتك دى علمها تشكر الناس
وخلى بنتك تعرف تتعامل مع الاكبر منها باسلوب احسن من كده
وماتجبش بنتك عندى فى المكتب عشان ماتعطلنيش
ولكن قلت لا مش قايله الطيب احسن وكمان بنته الوحيده والناس كلها عماله تدلع فيها
مهى بنت المدير بقى
وانا اللى اجى اقوله علم بنتك الادب
فى نفس الوقت ييجى لسانى ينطق حاجه كويسه عن البنت
ابدااااااااااااااااااا
اجى اعمل زى ما الباقى بيعمل وادلعها
ابداااااااااااااااااااااا
وكأن بقى مقفول بالضبه والمفتاح
و لا انا عايزة ادلعها
وخايفه اجامل ابوها يفتكرنى بنافقه
وكمان مش عايزة الكلام بينى وبينه يزيد عن المحدود
عارفه ان جو الشغل بيفرض علينا بعض المجاملات
وسبحان الله انا بعمل كده وبجامل بعض الرجاله الموظفين المحترمين فى الشغل
ولو واحده ست هى اللى جايبه بنتها يمكن اجى على نفسى واجاملها واشكر فى بنتها وخلاص
كمان بنته دى عندها 4 سنين بس
ناقصه انا عيال
كان فاضل كمان تقولى عايزة اعمل بيبى
كلي عيشك
ReplyDeleteدي بنت الباشا المدير
يعني المفروض تدادي فيها وتجبيلها شيبسي و جلاكسي ومولتو كمان
وبعدين دي كلها سنتين لو صاحبتيها هتاخدي علاوة كل يومين
تعالي على نفسك شوية
بلدنا ماشية كده
السلام عليكم
ReplyDeleteايه يا باشا مش تخليك هادى
مش قلنا تتعامل مع كل المواقف بهدوء
واستحمل يا عم
اعتبريها بنتك
وبعدين الموضوع مش هيتكرر كتير قوى هى يادوب 3 او 4 او 5 مرات فى الاسبوع
تعيشى وتربى
مش عارفه اقولك ايه غير انه خليكى عادية
ReplyDeleteيعنى لا تجاملى ولا تنقدى فيها
"لا تكن لينا فتعصر ولا صلبا فتكسر"
حساسيه الموقف تخيفكى وحساسية قلبكى تؤرقكى فانتى مابين الامرين الامر الاول انكى تريدى الوظيفه والامر الثانى انكى ترفضى ان تكونى منافقه لو لم تكونى حساسه زياده عن اللزوم ماكان هذا الصراع موجود بداخلك فكنتى ستاخذين الموضوع عادى ومش هتفرق ان قلتى كلمه حلوه للبنت ام لم تقولى
ReplyDeleteالمهم فى الاخر ان الوظيفه لا تضيع لاننا تعودنا على اننا ندخل المدونه نجد السكرتيره فيها
تقبلى تحياتى الاحـــــــــــــــلام
من الاخر للاول برضه
ReplyDeleteالاحلام
-------
هو فعلا موضوع حساس
تفتكر انا حساسه زياده عن اللزوم ؟
ممكن مش بعيد ..
ربنا يستر وماتضيعش
انا خايفه انا اللى اضيعها من ايدي
اخر العنقود
ReplyDelete-----------
طيب انتى شايفه ان الموقف مايستاهلش يعنى ؟
اممممممممممم
مهو انا عملت كده لا انتقدت ولا جاملت
الصمت احسن من اى كلام فى الوقت ده بيتهيقلى
شكرا
مدونه رحلة حياه
ReplyDelete------------------
لا لو بس 4 او 5 مرات فى الاسبوع بسيطه
دى تبقى حاجه مقدور عليها فعلا
عموما انا النهارده قلت للمدير صباح الخير واخبارك ايه النهارده ؟
يمكن بكرة اقوله اخبار الكتكوته الصغنونه ايه ..يمكن الله اعلم يمكن لسانى مايساعدنيش
مصطفى سيف
ReplyDelete-----------
انا اصاحبها ؟
لييييييييييييه ؟ ده انا مصاحبه ابنى بالعافيه عشان هو ابنى
ولا هيدى علاوة ولا هيعملى حاجه
اصل انا عارفه نفسى
لو الكلام مش طالع من قلبى ومقتنعه بيه
بيطلع بايخ قوى
بس برضه العلاوة تستاهل نجرب
:)