مش عارفه هى طقت فى دماغى كده
ملاقيتش غيرها مطلع اطلع بيه فى اول كلامي
وخصووووووووصا انه سؤال شاغلنى طول النهار بنفس الصيغه دى
متى ستاوقف عن الاحمرار خجلا
يعنى ينفع واحده كبيرة متجوزه ومخلفه وفى منصب مهم جدا زى اللى انا فيه ده
ولما حد ييجى يكلمنى اقوم وشى يحمر ؟
يعنى مهو بيبان عليا فى ساعتها
واحس ان فى دخان بيطلع من وداني
وده يخلينى اتكسف زياده واحس انى عيله فى سنه اولى حضانه
وبيبقى كلام عادي خالص
لكن مش عارفه ليه انا كده
انا كشخص عاقل وافكر شايفاها حاجه كويسه مش وحشه
الرسول صلى الله عليه وسلم كان حيي
لكن فى ناااااااااااااس لو شافتنى وشى بيحمر كده وبتكسف ممكن يقولو بقى دى يتضحك عليها بسرعه
او دى سازجه
او قد ايييييييييييه انا مؤثر وبخلى وشها يحمر
او يعنى مثلا يجيلي الزبون يسالنى على حاجه
وشى يحمر يقول دى خايبه ومش عارفه حاجه ولا فاهمة حاجه وبتضرب لخمه ؟
مع انى والله مع كل الناس كده
رجاله وستات
لو حسيت ان اللى قدامى مركز فى كلامي
يتقلب وشي لطمطمايه واعصر دماغي على ماجمع الكلام تانى
قولولى اعمل اييييييييه
اعمل اييييييييييييييييييييه ؟
ينفع كده ؟
كلي شيكولاتة مورو علشان تسيطري على الموقف
ReplyDeleteاولا الحياء مش عيب
الرسول عليه الصلاة والسلام قال الحياء شعبة من الايمان
التحلي بالحياء دليل علي الايمان
بس خليكي واثقة من نفسك مع الحياء ده
السلام عليكم
ReplyDeleteدى عادية ان وشك يحمر دا تعبير عن الحياء
بس يا ستى الحكاية دية متقلقيش منها هتمشى منك بالتعود على الشغل والمواقف والناس اللى معاك مش هتلاقيه تحصل معاك الا لما تتنرفزى يعنى يوم والتانى هتلاقى نفسك حد تانى وانا عموما متمناش انها تروح منك
خليك دايما على طبيعتك فى وقار
تقبلى كلماتى
مصطفى سيف
ReplyDelete----------
والله فكرتك بتتكلم بجد وقلت هى فين الشيكولاته دى
هخلينى واثقه من نفسى
حاضر
مدونه رحله حياه
ReplyDelete----------------
مهو هو ده كان سؤالى
وكان سؤال استنكاري يعنى
ولكن عندكم حق الحياء شيء كويس طبعا
والوقار شىء جميل
كلام جميل كلام معقول مقدرش اقول حاجه عنه
:)
الحياء مش وحش
ReplyDeleteبس فعلا ممكن يفتكروا انك يتضحك عليكي زى ما قلتي
مش عارف اقولك ايه
بس لو مفكرتيش انك خجولة في الموقف دة هيعدى عادي جدا
زى مثلا واحد اول مرة يطلع ويخطب امام جمهور يبقي في الاول مضطرب بعد كدة لو فكر انه بيكلم نفسه قبل الجماهير هيتعود
فهمتي قصدي ؟
اقولك انا من راى انك تخليكى جريئة اكثر لان الشغل والاحتكاك بالناس عايز جرائة وسرعة بديهة وسرعة فى رد الفعل حطى الخجل دة على جنب
ReplyDeleteوحاولى تتغلبى علية وانا متاكدة انك مع الوقت حتنسى موضوع الخجل دة خالص
تحياتى لارق خجولة
الخجل اختى ميزه من مميزات المراءه وليس عيب فيها فالخجل يعطى لها جمالا داخليا ومذاقا خاصا واعتقد انكى منذ الصغر وانتى فى بيئه طيبه تميل الى الريفيه فيصعب عليكى ان تتكلمى بحريه امام الاخرين فهذا انطبع عليكى عندما كبرتى
ReplyDeleteوبعدين لما يكون وشك زى الطمطمايه ده شىء كويس شوفى الطماطم دلوقتى بكام هههههههه
ارجو ان تتقبلى مرورى وتقبلى تحياتى الاحـــــــــــــلام
ناس كتير مفقده الحياء
ReplyDeleteانتى تشكرى ربنا ان فى عندك منه
بنات كتير وانسات معندهمش حياء نهائى
عندى زميله فى الشغل انسه لكن وشها مكشوف لا حياء ابدا ولا رابط عكس ستات كتير متجوزه ومخلفه
فالحياء مش مرتبط ابدا بسن
ولا هو عيب
تحياتى اليكى وتقبلى مرورى وصداقتى
واسمحيلى اتابع كتباتك
شئ لا يضر على الاطلاق لكن فى نفس الوقت خليكى عادية عشان محدش يفتكر شئ مش فى محله عن انه ضعف شخصية او حاجه
ReplyDeleteبالتوفيق :)
Haytham Alsayes
ReplyDelete----------------
رايك فى محله يا هيثم
فعلا لو بطلت افكر فى الموضوع هيعدي
شكرا على الفكرة
هحاول انفذها
:)
الاحلام
ReplyDelete-------
عندى تعليق على نقطتين فى كلامك
اولا "لها جمالا داخليا ومذاقا خاصا" انا بقى مش عايزه المزاق الخاص ده ومش عازاه يسيب انطباع عند حد
ثانيا سعر الطماطم
والله عندك حق الطماطم غاليه والواحد بقى بيحط للسلطه ميزانيه خااااااااصه
:D
شكرا ليك
mrmr
ReplyDelete-----
اهلا بيكى طبعا ومن غير ماسمحلك تنورى فى اى وقت
والحمد لله على الحياء دى حاجه كويسه
لكن فى فرق بين الحياء والخجل و الاخلاق
هما بيكملو بعض طبعا
لكن فى ناس وشها مابيحمرش لكن محترمة وخجولة وخلوقه
وطبعا المثال اللى قلتى عليه انا شفته وطبعا مزموووووووم من كل الناس حتى لو اظهرو غير كده
اهلا بيكى
اخر العنقود
ReplyDelete-------------
اعتقد انك الوحيده اللى قدرتى توصلى لمعنى كلامى
وده طبعا مابيقللش من كل الناس اللى علقت ولكن انتى وصلتى لاهم نقطه خلتنى استنكر الخجل الزياده ده فيا
شكرا لكلماتك القليله لكن المعبرة
هبه فاروق
ReplyDelete----------
انا عماله اقول برضه فين هبه قالتلى كلمة حلوة
شكرا ليكى على الوصف الجميل (ارق خجوله)بس على فكرة انا مع صحباتى مش رقيقه خالص يعنى ممكن ادى بونيات واشنكل وحاجات كده
هنساه خلاص
من النهارده مافيش طماطم
:)