يعنى ايه لزمته بس كل الحوار ده
وكانت ايه لازمتها الخناقه دى والزعل ؟
من كتر الكلام اللى دار ولف وطار واتخبط بينا
نسيته معظمه
لكن هو سؤاااااااااااااااال وموجه للرجاله بالاساس
مالك انت وماااااااااااااال مرتب مراتك؟
مراتك وقفت معاك فى وقت تسديد ديونك
وعمرها ما طلبت منك حاجه فوق طقتك ولا زياده على ميزانيه البيت
تتكلم بقى فى اللى هتقبضه واللى هتشيله ليييييييييييييييييييه ؟
انت مااااااااااااااااااالك
.
.
.
.
انتى لسه بتسالى ؟
ماقلت مش هاممنى الفلوس انا كل همى اننا مايبقاش حاجه اسمها دى حاجتى ودى حاجتك او ده مرتبك وده مرتبى
زى مانا عمرى ماحسيت انى بعمل حاجه لنفسى
مش مصدقاك
انتى صدمتينى ...عمرى ماكنت افكر ان حياتنا تبقى كده
انت اللى مش فاهمنى ..انا عايزة اشيل حاجه للزمن امان بعد كده
انت خايفه منى ؟
لا انا خايفه من الزمن ومش عايزة امد ايدى لحد
انتى عايزه ايه دلوقتى ؟
مش عايزه حاجه غير انك ماتطلبش منى اى حاجه انا هدفع حضانه العيال وبس
طيب ..ربنا يقدرنى واتقبل اللى بتقوليه ده
.
.
.
.
.
ويسود صمت رهيييييييييييييب
وقررت انى مش هبقى شريرة وانى مش عايزه احس انى انا اللى ببوظ حياتنا
.
.
.
خلاص بقى ايه رايك يبقى مرتبك ومرتبى مع بعض ونبقى احنا الاتنين عارفين نتصرف فيه ازاى ؟
يعنى ايه ؟
يعنى المرتبين يتحطو فى مكان معروف لينا احنا الاتنين ومافيش حاجه تتصرف غير لما نكون احنا الاتنين عارفين ..خلاص كده راضى ؟
اخيرا فهمتى قصدى ؟
طبعا (والله مانا عارفه ولا مطمنه بس ادينى توكلت على الله وخلاص )اه طبعا يا حبيبى فهمت هو انا اقدر ازعلك؟؟!!! عرفت انى مش عامله فرق بينا ولا حاجه؟
ايوة اكيد بس خلاص مالوش لازمه نعمل كدهو نوجع دماغنا مع الموظفين فى الشغل عشان تحويل المرتب..خلى مرتبك معاكى وان شاء الله مش هنحتاجه
ماشى يا حبيبى اللى تشوفه (ربنا يستر )يارب تكون راضي
.
.
.
.
.
تفتكرو انا اتصرفت صح ؟
تفتكرو هو كان كل همه انه مايحسش ان فى فرق بينا وانى ماكونش سبب فى عدم استقرار البيت ؟
ولا برضه بيفكر فى مرتبى ؟وهنصرف منه كام على البيت ؟؟؟؟؟؟؟؟؟
والله رايي ان المشاكل الاسرية دي مفيش حد يقدر يحس بيها او يحلها غير الزوجين وكل ما بتوسع الدايرة وناس اكتر تعرف المشكلة بتزيد
ReplyDeleteبس مادام سالتيني عن رايي هاقولك
انتي معاكي حق وهو معاه حق
يعني فعلا المفروض هو اللي يقوم بمصروف البيت بالكامل علشان هو الراجل بس المشكلة في الغلاء والمصاريف واحتياجات البيت اكيد مرتبه مش هيكفي
فأكيد هيحتاج مساعدة منك وده واجبك انك تقفي جنبه لانك شريكته في نفس المركب
ده بقي ردي في المشكلة عامة
لكن بالنسبة لمشكلتك خصوصيا وكونهمش عايز يحس بفرق بينك وبينه دي فيها كلام كتير لان الزوجة لها ذمة مالية مستقلة حسب ما بيقول الشرع يعني فلوسها من حقها هي الا اذا هي ارتضت
يقول تعالى ::"فَإِن طِبْنَ لَكُمْ عَن شَيْءٍ مِّنْهُ نَفْسًا فَكُلُوهُ. هَنِيئًا مَّرِيئًا
بالرغم ان الآية بتتكلم عن المهر بس ممكن نفهمها في العموم ان في ذمة مالية ليها وهي المتحكمة في فلوسها ومن حقها تدي جوزها من ذمتها المالية دي بطيب نفس وممكن متديهوش
بالتالي مش من حق الزوج يطلب المرتب علشان ميحسش ان في فرق لان القرأن نفسه حدد ان في فرق بين فلوسها وفلوسه
ده رايي والله اعلم
معلش طولت عليكي
انا شايفه انه ما فيش فرق بين الزوج والزوجه
ReplyDeleteوالفلوس اللى داخله البيت تكون للبيت
دا رايى وده اللى انا ماشيه عليه من يوم ما اشتغلت لكن كل زوج وزوجه حسب ما يتفوقوا مع بعض
دى حياتك وانتى حره فيها
كل شئ بالاتفاق يعدى ويهون
سلامى اليكى يا قمر
صباحك ذى العسل باذن الله
مصطفى يوسف
ReplyDelete------------
يعنى كنا ماشيين كويسه وفجاة حودت الناحيه التانيه ومشيت العكس
!!!!!!!
افهم من كده انك تتمنى ان زوجتك تكون بتشتغل عشان تساعدك فى مصاريف البيت وعلى الحياه الصعبه ؟طالما هى راضيه تصرف يبقى كويس قوى ..
وان ده عادى عند كتير من الشباب نفس التفكير ده ؟
دى اسئله بريئه مش اكتر .وياريت توضيخ اكتر
:)
mrmr
ReplyDelete-----
امممممممممممم
وياترى زوجك سالك قبل ما تشتغلى هتعملى ايه بفلوسك ؟ لا انتى من نفسك كده قررتى انك تشاركى فى البيت ؟
كلامك مظبوط ان كل شىء بالاتفاق
واحنا رغم ان الحوار كان شديد شويه لكن كان اتفاق برضه
السلام عليكم
ReplyDeleteاهدى شوية
الموضوع بسيط
دا المبلغ كله مش مستاهل نعمل عليه الهلمه دى
فى حاجة اسمها شعرة معاوية
حاولى تحافظى عليها
لو واحد شد التانى يرخى وكدا تمشى الدنيا
مهما يحص اسرتك بيتك دى مملكتك الخاصة اهم من اى حاجة تانية
بصي يا ستي خلاصة اللي قلته
ReplyDeleteانك لو ساعدتيهده شيء تشكري عليه خصوصا ان ظروف الحياة صعبة وانتي هتحطي فلوسك في بيتك وهتصرفيها على ولادك مش في حتة غريبة
لكن لو بتسألي هو من حقه يقولك انه مفيش فرق بين فلوسك وفلوسه
اقولك لا مش من حقه لأن الزوجة لها ذمة مالية مستقلة يعني فلوس الزوجة هي بس المسئولة عنها وجبتلك آية فيما معناها لو ان الزوجة تنازلت عن جزء من مهرها بطيب خاطر لزوجها وقتها حلال ان الزوج ياكله هنيئا مريئا
يعني هي اللي بتتنازل مش مفروض عليها
بس كده
وف النهاية دي حياتك انتي وانتي اكتر حد يعرف ايه المناسب
اتمنى ان رايي يفيدك
مفيهاش حاجة لما تساعدى جوزك بس فى حالة واحدة لو كان مرتبة ميتحملش تكاليف المعيشة
ReplyDeleteوايدك فى ايدة بجد اليومين دول العيشة بقت صعبة اوى
تحياتى لك
الحياه فى هذه الايام صعبه والمصاريف تزيد الاعباء الاسريه يوما بعد يوم فالاسعار تزيد زياده خرافيه والاولاد يرتقوا بالدراسه من سنه لاخرى والمنزل يحتاج مصاريف يوميه باهظه هذا بخلاف الظروف القاهريه التى يمر بها كل بيت فلهذا كله لايمكن ان يتغلب عليها الزوج بمفرده الا فى حاله واحده اذا كان هناك باب رزق غير الوظيفه لهذا انصح بالتعاون كى تمر الحياه بسهوله ويسر ودون مشاكل اسريه تعكر صفو البيت مع التمنيات بحياه سعيده دائما بعيدا عن المشاكل تقبلى تحياتى الاحـــــــــــــــــــــــــــــــلام
ReplyDeleteهبدا من اخر من رد
ReplyDeleteالاحلام
------
ماشى ما انا هتعاون واشارك بس بالكميه اللى تناسبنى واللى شايفه البيت محتاجها
الفكرة كلها انى لو صرفت زيه هيبقى فين بقى انه هو المسئول وهو اللى صاحب البيت وان احنا مسئولين منه ؟؟؟هو انا متجوزاه عشان يعتمد عليا ولا انا اللى اعتمد عليه ؟
هى دى الفكرة
تشكرات افندم
هبه فاروق
ReplyDelete---------
حبيبتى انا مابتكلمش ابدا فى انى اساعد اولا
لانى اكسد مش خارجه اشتغل عشان اقزق لب فى الشغل
انا بتكلم فى ليه هو يفكر فى حاجه زى كده ويعتبرها شىء مسلم به ؟
هل عشان الظروف والحياه الماديه ؟
الله اعلم
مصطفى سيف
ReplyDelete----------
شكرا لمتابعتك ردى
وشكرا لاهتمامك والتوضيح اكتر
شكلكم كده يا رجاله محتاجين النوايه اللى تسند الزير ومابتتردوش تطلبوها من زوجاتكم ..لانها اقرب حد ليكم ..اهو احسن ما تستلف من الغريب برضه
فهمتك خلاص ...وانت قلت كل واحد ادرى ببيته ..خايف تعملى مشكله ؟
ربنا يستر
مدونه رحله حياه
ReplyDelete----------------
كلامك مظبوط
بس بره الموضوع موضع مبدا بغض النظر عن الكم
بتكلم عن الكيف وليس الكم
ولكن على رايك اهى دنيا متفاته
ربنا يخرجنا منها على خير
واعمل الخير وارميه البحر
على الله يتمر بس فيهم
:)