لو حتى مش من من حقى اغير .بما انى دايما بكبر المواضيع ...من حقى اخاف على سمعتى وسمعته
ومن حقى اخاف على بيتى وانا شايفه غرايب الدنيا بتحصل حواليا وبيوت بتتخرب من شطه كبريت
يعنى ايه يوصل زميلته لشغلها لمده اسبوع ولا اكتر ؟
هى متجوزة وهو متجوز صحيح
بس جوزى مركزه احسن مليون مرة من جوزها يعنى مش بعيد انها تعجب بيه وباسلوبه اللى طبعا معاها مختلف عن اسلوبه معايا ..اصل انا مراته استحمل تعبه وزهقه واتكلم مش مهم يرد لكن هى طبعا مايصحش مايردش عليها
الغيرة واضحه مش كده؟
.؟؟؟؟؟؟؟؟؟؟
وجوزها ولا فارق معاه انها تركب مع جوزى العربيه كل يوم رايح جاى من الشغل
وكلمت جوزى بكل هدوء
قلتله يوم ماشي اتنين معلش لكن اسبوع او اكتر بمناسبه ايه ؟
معلش بقى جوزها مش هينفع يوصلها الاسبوع ده ولازم نخدمهم
طيب ما هى معاها ستات تانيه ماتروح معاهم ؟
ماحدش عرض عليها تروح وتيجى معاهم اعملها ايه
طيب حرام ؟
طيب حرام ؟
ده كام يوم وخلاص.. دى ضرورة ..وبعدين دى بتركب يا دوبك 10 دقايق ..كمان فى الكنبة اللى ورا مش جنبي
طيب مايصحش ؟
طيب مايصحش ؟
وليه ما يصحش مهى زميلتى
طيب كلام الناس ؟
طيب كلام الناس ؟
ماحدش فايق لحد ..ماتكبريش الموضوع
طيب انت ترضاها ليا ان حد زميلى يوصلنى شغلى كل يوم واروح معاه كل يوم ؟
طيب انت ترضاها ليا ان حد زميلى يوصلنى شغلى كل يوم واروح معاه كل يوم ؟
اه ارضى
!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!
مساء الخير
ReplyDeleteومدونة رائعة وجميلة
اسعدني المرور هنا
دمتم بكل ود
السلام عليكم
ReplyDeleteانا لما قريت البوست دا فهمت اخر تعليق ليكى عندى
شوية حكمة وان شاء الله الامور تتحل
خلى بالك منكم
سلام
امممم
ReplyDeleteالله يغار والعبد يغار وغيرة الله ان يأتي العبد ماحرمه عليه
الغيرة احساس طبيعي بشري ولازم الزوجين يراعو بعض في النقطة دي زوجات الرسول صلي الله عليه وسلم كانو بيغارو من بعض وعمره ماسخر من مشاعر واحدة فيهم وكان بيراعيهم جميعا
د.ريان
ReplyDelete-------
اهلا بيك زائر دائم للمكتب
:)
مدونة رحلة حياة
ReplyDelete-----------------
اهو الواحد عنده كلام كتير مش هينفع كنت احطه فى مدونتك
شكرا على النصيحة
بس مفروض مين اللى يبقى عنده حكمة فى حاجه زى دي؟
carmen
ReplyDelete------
يعنى انا مفروض اعمل ايه ؟
:)
موقف يغيظ ويضايق
ReplyDeleteوخصوصا انه من الغباء ان تتجاهل المرأة وخصوصا الزوجة احساسها
يعنى ياترى الزوجة غيرانة لمجرد الغيرة ولا لانها بتشك فى زوجها؟
احساسها هنا هو اللى هيحكم
بصى عرفيه ان الموضوع ده بيضايقك وفارق معاكى بجد وان للزمالة حدود آخرها لا يتعدى خروج الموظفين من شغلهم
سعادت السكرتيره ازي حضرتك
ReplyDeleteطبعا معاكى بكل مشاعرى لا يصح الا الصحيح المفروض هو انه لا يسمح بتوصيلها مهما حدث وان كانت مره صدفه فلابد ان يحاذر بعد ذلك فالمفروض ان يبعد نفسه عن الشبهات
وان كان يرضى ان احد يوصلك انا موجود تحت امرك
تحياتى الاحـــــــــــــــلام
موناليزا
ReplyDelete---------
انا متغااااااااااااااظة
:)
فهمته والله يا اتخشي
والحمد لله فهم
اخيرا
الاحلام
ReplyDelete-----
انت بتقول فيها
فعلا بعدها بيوم قلتله زميلتى فى الشغل ماجاتش النهارده وهروح مع جوزها
قالى يعنى ايه ؟
قلتله مهو زميلى فى الشغل برضه عادي
قالى اه صح عادي ماشي وماله ...انا جاى اخدك من الشغل
:)
وفى يومها اتصل بواحدة زميلته تانيه قالها تبقى توصلى زميلتنا دى معاكى عشان انا ماينفعش اوصلها تانى
:D
ناس ماتجيش غير بالشدة
تسلم يا باشا
نجاملكم فى الافراح
:)
من حقك تغيرى
ReplyDeleteوحاولى بقدر الامكان ترفضى الاستمرار
لان كل يوم والتانى ح تلاقى مشاعره اتغيرت من ناحيتهاواتعلق بيها اكثر
المثل بيقول حرص ولا تخون
فكونى حريصه وحافظى على زوجك
وان كان بيقولك اه ارضى تركبى مع زميلك فده بيضحك عليكى علشان عارف انك مش تقدرى تعمليها
ربنا يسعدك
mrmr
ReplyDelete-----
فعلا انا خفت من بعدين دى ويوم ورا يوم
لان الزمالة فى المكتب شىء وفى العربية شىئ تانى
ومش شك فى زوجى او في زميلته ولكن لان دى طبيعة البشر
وانا ماديتهوش فرصة يضحك عليا بالكلام
اقري ردي على الاحلام
:)
ههههههه عسل
ReplyDeleteوسورى عالضحك فى موضوع زى ده بس القرد شكله فظيع
بس عجبنى تصرفك وداونى بالتى كانت هى الداء
ربنا يوفقك