لانى ماتعودتش انى ارسم نفسي ولا اعدل شكلى عشان امثل دور معين
وخوصا لما تكون دى يومياتى
يعنى مش هعدل اسلوب كتابتى
لانها ببساطه بتعبر عن افكاري
ندخل فى الموضوع
الوش الطماطمايه
بحكم مرور الوقت فى المكتب اللى بقعد فيه 8 ساعات متواصله
وبحكم ان شغلى بيعتمد على تعليمات المدير والكلام المباشر معاه
فطبيعى ان الوش الاحمر الطماطمايه يختفي
فاكرينه ؟
:)
المكتبة
بمرور الوقت والدخول فى الشغل الحقيقي
اكتشفت انى ناقصنى شويه مستلزمات مكتبيه
وبشكل عفوى لاقتنى بفكر ان مكتب المدير هو كمان محتاج شويه مستلزمات
مهو مش معقول لما اكون عايزة ادبس ورقه فى ملف فى مكتبه اروح على مكتبى اجيب دباسه او دبابيس
و جبت الحاجه من مكتبة الشغل ..اللى طبعا لو كانت بفلوس ماكنتش هجيبله حاجه
وحطيتها عندى وبعدين اللى ناقص فى مكتبه حطتهوله قدامه من سكات
طبعا الراجل ماهموش
عادي ..بابا بيجيبلنا منه كتير
:)
ولا شكرا حتى قالها
داء التنظيم
لما كنت اروح مكتب جوزى فى شغله كنت لازم اقعد اروق وانظم ورقه
لانه مايعرفش يعنى ايه نظام
لانه مايعرفش يعنى ايه نظام
ولما اشتغلت لاقيت المدير نفس الكركبه
وكانها طبيعه فيكم يا رجاله
!!!!!!!!!!!!!!
ولانى بتحط فى اى ورقه المدير مابيلاقيهاش على مكتبه ويقعد يلففنى المؤسسه كلها ادور عليها وفى الاخر بتطلع فى وسط الورق فى ملف من الملفات الكتير اللى على مكتبه
بقيت اهتم ان مكتبه مايكونش عليه كركبه
رغم انى بعمل كده بشي من الحذر وبهدوء
رغم انى بعمل كده بشي من الحذر وبهدوء
وساعات ايدي تسبق تفكيري والاقينى بروق بس افوق واقول لا ماينفعش اعمل كده قدامه ليفتكر انى بهتم بيه هو لشخصه
الى جانب ان لازم مكتبى يكون منظم لانه عنوان مكتب المدير
فما بالكم بقى لما يكون المدير بيدخله ناس من اى حته فى اى مكان فى مصر ؟
وسؤال شاغلنى قوي
هو انا كده صح ولا غلط ؟
هو انا كده صح ولا غلط ؟
تابعونى فى الجزء التانى
اكيد طولت عليكم النهارده
:)
عن نفسي شايف انه مش صح
ReplyDeleteكده هتخليه يفتكر ان ترتيب مكتبه حق مكتسب وانه من حقه عليكي ترتبيه ولو يوم معملتيش كده ممكن يجازيكي
رايي اشتغلي المطلوب منك وبس
علشان متلزميش نفسك بواجبات اكتر
ده رايي
صباح الورد
ReplyDeleteلفتت نظري الصورة في تعليق عند مصطفي سيف
دخلت اشوف السكرتيرة الجديدة
بصي بقي ...ده اسلوب انثوي خالص
يعني دي غريزة انثوية اللي هي حكاية التنظيم والترتيب والاشياء الناقصة
يعني مثلا لو قلت لك اني كنت في الجريدة وبعدين دخلت المطبخ اعمل شاي لقيت المطبخ كركبة من اللي هي ...وانا ابدااااااااا لا اقبل بهذا حتي لو كان في الشغل ....غسلت المجات والاطباق روقت المطبخ عملت الشاي .....وخرجت ....^-^
يعني شايفة ان ده عادي خصوصا
بس ...هي بتتفهم غلط
بس هي راحة ليك لانك بتعملي ده لمصلحتك ومصلحة الشغل لانك لو منظمة هتلاقي اللي انت محتاجة بسهولة والعكس صحيح
تحياتي ومستنية الباقي دايما
عزيزتى
ReplyDeleteسكرتيره يعنى خدمه فى كل شىء حتى فى امور الترتيب فالنساء اكثر ترتيبا من الرجال ومن صميم عمل السكرتيره هو ان اذا اراد المدير العثور على شىء فلابد ان يجده وهذا فى نطاق الترتيب
تحيه لكى على قيامك بترتيب مكتبك ومكتب المدير فهذا اسلوب السكرتيره الناجحه
على فكره مكتبى يريد الترتيب فانا ايضا مهمل فى هذه العمليه
تقبلى تحياتى الاحــــــــــــــلام
انا رأيي انك ماغلطتيش طالما ده بيساعدك وبيوفرلك وقت ومجهود وطالما مش بتغلطي مالكيش دعوة بحد يفكر اللي يفكره
ReplyDeleteالسلام عليكم
ReplyDeleteازيك اخبارك ايه
يارب تكون كل الامور معاك تماما
الاول مش كل الرجالة عندهم مشكلة سوء التنظيم والترتيب
ثانيا يعنى اعتقد لو اى حد فينا شاف المكان مش متنظم وخصوصا لما يكون بيعبر عنه بيحب ينظمه
اعتقد لو اى واحدة شاطرة مكانك هتعمل نفس الموضوع
اولا :انتى من وجهه نظرك انه صح وعادى ما فيش اى مشاكل
ReplyDeleteلكن يوم ورا يوم ح يلقيه ان حق مكتسب ولازم تعملى كده ده يوميا
وثانيا انه ممكن يحس انك بتعملى كده اهتمام بيه لشخصه مش علشان الشغل
وثالثا ممكن كمان يفكر انك بتعملى كده علشان عايزاه يديكى حوافز اكثر من غيرك ويميزك عن باقى الموظفين
رابعا : كونى حريصه لان كثير ممكن يخسروا سمعتهم لاجل بساطتهم
مصطفى سيف
ReplyDelete----------
اوك يا سيف
الاحتياط واجب
re7ab.sale7
ReplyDelete------------
كلك زوق يا رحاب
واهلا بيكى فى المدونة
هو فعلا كلامك صح
بس مش هتوصل انى اغسل الاطباق كمان
:)
الاحلام
ReplyDelete------
:)
عينلك سكرتيرة انت كمان
ماحنا مش ورانا غير تنظيم مكاتبكم
carmen
ReplyDelete-------
ماشي يا جميل شكرا لردك واهتمامك
بس انا برضه مش عايزه حد يفهمنى غلط
ده انا لو واقفه قدام مكتبه بكلمه بحس انى بتفهم غلط
:(
مدونة رحلة حياة
ReplyDelete----------------
يعنى انا شطورة ؟
:)
ثكلا
mrmr
ReplyDelete-----
مرمر اسمحيلي اقتبس كلامك فى ردي عليكى
عشان انتى دايما بتحسسينى انك فاهمنى قوي يا نص
مع احترامي لكل اراء مكاتبنا الصديقه
:)
اولا :انتى من وجهه نظرك انه صح وعادى
--------------------------------------
لكن يوم ورا يوم ح يلقيه ان حق مكتسب ولازم تعملى
------------------------------------كده ده يوميا
-------------
لا على فكرة انا مابعملش التنظيم ده غير يمكن كل اسبوع مرة ومش بشكل كامل يعنى كل مادخل المكتب مرة اخد حاجه فى ايدى
عشان مايخدش باله
ومايبقاش بشكل روتينى
وثانيا انه ممكن يحس انك بتعملى كده اهتمام بيه لشخصه مش علشان الشغل
-----------------------------------------------
لو على شخصه فانا فكرت بعد كتابتى للبوست ولاقيت انى الحمد لله بهتم بالمكتب بس لكن الاوضه نفسها اللى مليانه كركبه وعلب واكياس وشواحن موبايلات ده انا مابقربلوش خالص لانى انا مش الكلينر بتاع سيادته رغم انى ساعات ببقى قرفانه من مكتبه
:)
وثالثا ممكن كمان يفكر انك بتعملى كده علشان
-------------------------------------------
عايزاه يديكى حوافز اكثر من غيرك ويميزك عن باقى ----------------------------------------الموظفين
-----------------------------------------------
طيب تفتكرى ممكن تجيب نتيجه ويدينى حوافز؟
:)
ما المتسلقين كتير
جت عليا يعنى
رابعا : كونى حريصه لان كثير ممكن يخسروا سمعتهم لاجل بساطتهم-----------------------------------
-----------
شكرا على النصايح الجامده دى
خضتينى على فكرة وخوفتينى على نفسي
بس الحمد لله انا حريصه ومش بسيطه فى التعامل قوى كده
ولكن سازداد حرصاً
بصى بقى يا قمر كل اللى عليكى تعملية هو الاهتمام بشغلك وبس وكبيرك اوى تنظمى مكتبك
ReplyDeleteلان النظام والنظافة فى مكتب المدير اعتقد ان ليها ناس متخصصة يعنى الفراش اوالساعى بتاع المكتب ولا المدير موفر ومش عايز يجيب حد ينظف ويرتب المكان
بس احلى حاجة انك بتحبى تستشيرى ولا خاب من استشار
تحياتى لاجمل سكرتيرة
This comment has been removed by the author.
ReplyDelete