فيه كم من السقاله والرخامة والاستظراف وتقل الدم
ده غير البجاحه و العين المفتحه والمكر اللى بيطلع منهم
بصو ماحدش يقولى انتى بتبصيله ليه
هقولكم
انا مش من عوايدي انى ابص فى وش حد اصلا من الصنف الرخم .قصدى الصنف الخشن اللى هو الرجاله
لكن ده لفت نظرى من اول يوم دخلت مكتبى
بصات غريييبه وقلاطه غير طبيعيه
وقلت عادى واحد وبيكرهنى لله فى لله
مش مشكلة يومين وهيرتاح
لكن لما الموضوع يتكرر كل يوم بشكل مستفز
كان لازم اعرف ده سره ايه الراجل ده
اكونش قتلت ابنه وانا معرفش؟
اتارى بقى
انه كده مع كل الستات المحترمه
وان اللى ماتعبروش وماتقعش فى دباديبه من اول نظره بيقلب على وشه التانى ويعاقبها بنظراته الشبيهة بنظرات دراكولا فى فيلم اسماعيل يس
ده غير قلة الزوق اللى بينقط من دراعه وهو ماشي
طبعا بعد ماعرفت الكلام ده من ناس صادقه مش بتوع تاليف يعنى
قلت بس كده ارتحت
طلعت عبيطه كالعاده وفاكره انه متضايق من وجودى فى الشغل او انى خدت مكان حد قريبه ولا حاجه
وطبقت المثل اللى بيقول الباب اللى يجليك منه استاذ سقيل اقفله وانت تقيل
على فكرة استاذ سقيل فيه منه برضه كام واحد كده
بس ده يمكن لانه مدير ففاكر نفسه ماجبتوش ولادة
بس الله يخليك ارحمنى من خلقة جنابك يومين
هذا الاستاذ نراه كثيرا جدا ويمكن ان يفعل اكثر مما تقولين لكننا لابد ان نقف امامه بشده كى يقف عند حده دائما فالرخامه لها ناسها ولابد ان نبعد عنها
ReplyDeleteدمتى بخير دائما اختى العزيزه مع انى افتقد تعليقاتك الجميله لكننى ازور مدونتك كل حين واخر كى اطمئن عليكى
سعدت هنا تقبلى تحياتى الاحـــــــــلام
السلام عليكم
ReplyDeleteيا ستى اللى يعيش ياما يشوف واللى ينزل الشغل يشوف اكتر
ارمى حمولك على الله وركزى فى شغلك واحتفظى بكرامتك وشخصيتك فوق الكل والله معين لك
دومتى بود
ههههههه
ReplyDeleteبيعجبنى فيكى طريقتك الساخرة فى الكتابة :))
ان شاء الله ربنا يحفظك
يارب ربنا يرحيك من خلقته
اتركيه فى حاله
ReplyDeleteالاحترام يفرض و لا يوهب طبعا يفرض بالشخصية الملتزمة
تحياتى
في نسبة كبيرة اوي من الرجالة زي الاستاذ سقيل
ReplyDeleteولما يمشي الاستاذ سقيل هييجي الاستاذ اسقل
لازم يا ستي تعرفي ازاي تتعاملي معاه في نطاق شغلك
ولازم كلنا نتعلم ازاي نتعامل مع كل واحد بطريقته
ده فن التعامل اللي متاكد انك بتجيديه
تحياتي
السقيل ده مش رلجل وبس احيانا كتيرة بيكون واحدة مش واحد....آه والله
ReplyDeleteوحصلتلي كتير جدلا ومش ف الشغل وبس....
اقولك اللي تخرج للشغل لازم تبقي عارفة انها رايحة ساحة حرب مشروع انك تستخدمي كل اسلحتك بس يا تري لو انت زي حالاتي وطيوبة بقي تعملي اية...؟ مبتحبيش تزعلي حد تعملي اية...؟
تيجي علي نفسك
وتستحملي
والا هتتبعي المبدأ الميكافيللي وتقوللي الغاية تبرر الوسيلة وتديهم برضه زي ما بيدوكي...؟
ربنا معاك ومعانا
احببت ان احضر كى ازوك واطمئن عليكى يارب تكونى بخير طمنينا عليكى بعد اذنك سلمتى من كل سوء وان شاء الله افتكار ربنا رحمة لينا
ReplyDeleteتقبلى تحياتى الاحــــــــلام
الأخت الغالية
ReplyDeleteفى مثل هذه الأحوال يكون التجاهل خير علاج .ز تحياتى لشخصكم الكريم .. دمتى سعيده
أخوك / تامر
والله الدنيا مليانة من هالنوعية من البشر .. وخاصة في مكان الشغل .. ربنا يريحك من خلقته وطلعته غير البهية ..
ReplyDeleteكنت هنا ..
مجال العمل يا ما ح يورد عيكى
ReplyDeleteربنا يريح قلبك ويريح عنيكى من خلقته
انتى بس كل يوم وانتى بتفتحى باب المكتب ادعى ربنا يريحك منه و ح يجى يوم وربنا يستجيب لدعواتك
واهمس فى اذنك واقولك لك الشرف انه مش بيستظرفك لانك انسانه محترمه ولو مش عجبه يخبط راسه فى اجدع حيطه يشوفها وتعجبه
ربى يسعدك ويريحك
افتقد جزء كبير جدا من روعة الكلمات وابداع التعليقات
ReplyDeleteاتمنى ان تكونى بخير فنحن نحتاج الى الاطمئنان عليكى اتمنى ان تكونى بخير الاحــــــــــــــــلام
يمتلكنى القلق والشعور به ناتج عن عدم قدرتى على معرف اى شىء عنكى اتمنى ان نطمئن عليكى عن قريب باذن الله
ReplyDeleteتمنيانى ان تكونى بخير والاسره تقبلى تحياتى الاحـــــــلام