Thursday, June 9, 2011

الاحساس بالامان

صعب قوي قوى لما تفتقد الاحساس بالامان 
فى شغلك 
فى بيتك 
فى شارعك 

لالالالالا 
مابتكلمش عن الامان والامن من الحراميه والحوادث 
لكن الامان من غدر الزمن ومن تقلب الاحوال 

صعب قوي تعيش حاسس انك  مش هتقدر تكمل فى شغلك  من غير شخص معين
او مش هتقدر تكمل حياتك من غيره

لكن فجاه تحس انك تقدر وانك اقوى مما تخيلت او اقنعت نفسك لمده طويله بانك ماتقدرش تعيش لنفسك 
او تعتمد على نفسك 
لما تحس انك مسؤول والاخرين بيعتمدو عليك 
وان شغلك فى ناس كتير معتمده عليه وبتطلبه منك انت مش حد غيرك 
لما تحس ان نفسك ليها قيمه ومعنى بعد سنين من انكار الذات واالتفكير فى الغير
لما تلاقى الناس بتطلب منك انك تثق فى نفسك وتعتمد على نفسك
وانك ماتنتظرش رد او شكر او اهتمام لانك عارف ان اللى عملته واضح والشمس مابنقولهاش منورة يا شمس 
 
ياااااااااااااااااااه  بعد كل السنين دى 

نسيتك يا نفسي يللى كنتى بتحسسيني بالامان سنين طويله

18 comments:

  1. لازم تخلي نفسك ترجعلك
    كلنا لازم بتمر علينا اوقات بنحس اننا تايهين عن انفسنا.. لكن تدريجا ومع المحاولة بنرجع زي الاول واحسن كمان ان شاء الله
    اتمنالك دوام التوفيق :)

    ReplyDelete
  2. الأخت الغاليه والعزيزه

    طبعا أنا مبسوط جدا وسعيد بالنجاح اللى بتحققيه فى مجال العمل.

    ويارب كده أسمع منك علطول الروح الإيجابية دى ومن نجاح لنجاح ومن تقدم لتقدم عشان نحس بالمعنى الحقيقى للحياة

    بالنسبة لنفسك صدقينى هيا معاكى وبتساعدك وجنبك على طول وممكن كمان تكون بتوجهك لأنها جزء من تكوينك بس أنتى اللى مش حاسه بيها عشان مش بتفكرى فيها وكمان مش بتعطيها جزء من وقتك

    المسألة شوية إهمال مننا لنفسنا والأهم أننا نستطيع تداركه

    دمتى بكل الود وتحياتى

    تامر

    ReplyDelete
  3. اولا كنا مفتقدين بوستاتك اللي دايما باحس انها تلقائية وبسيطة وفي نفس الوقت بتعبر عنك وعن كل اللي جواكي
    ثانيا
    الامان مع النفس ده نعمة كبيرة جدا وبتجيلنا اوقات كتيرة بنفقده
    بس كويس انك اكتشفتيه واكتشفتي انك شخص يعتمد عليكي دايما
    تحياتي

    ReplyDelete
  4. اللامان الداخلى مع النفس ياتى من الثقه العاليه بالنفس وتلك تاتى بالخبره فى العمل والخبره فى المنزل فلابد من وجودها حتى يمكن لتعلب على اى مشكله نواجهها
    سعيد بكتاباتك بعد الفتره الطويله جدا التى مرت فاننا احسسنا انها دهرا كاملا وع تمنياتنا بدوام الصحه والعافيه دائما
    برجاء تقبل تحياتى ابوداود

    ReplyDelete
  5. خوفنا من الزمن عمره ما يزول ده خوف من المجهول غريزة :)
    تحياتي لك

    ReplyDelete
  6. والدنيا زي المرجيحه من تحت لفوق
    ومن هذا المنطلق هرد برده من تحت لفوق
    :)

    carmen
    -------
    تشكرات افندم
    بس فى فرق بين الخوف من المجهول وانتى متاكده ان فى حد جنبك يساندك وبين انك تحسى ويبقى مافيش قدامك غير انك تعتمدي على نفسك ..بعد سنين بتعتمدي على غيرك

    ReplyDelete
  7. الاحلام
    ------
    تمام يا باشا
    والف شكر على اهتمامك
    :)

    ReplyDelete
  8. مصطفى سيف
    ---------
    اهلا بيك يا مصطفى ورغم كثرة المدونين اللى بيمرو عندك بتهتم بكل مدون

    الحمد لله على النعمه دى طبعا
    فكرتنى بحديث الرسول صلى الله عليه وسلم : مَنْ أَصْبَحَ مِنْكُمْ آمِنًا فِى سِرْبِهِ مُعَافًى فِى جَسَدِهِ عِنْدَهُ قُوتُ يَوْمِهِ فَكَأَنَّمَا حِيزَتْ لَهُ الدُّنْيَا

    ReplyDelete
  9. تامر الشقيق
    -----------
    :)
    المسألة شوية إهمال مننا لنفسنا والأهم أننا نستطيع تداركه

    اهملتها كتير قوي لدرجه انى كنت قربت احس انى مش انا واهى عيشه وخلاص
    تسلم يا كبير
    :)

    ReplyDelete
  10. اخر العنقود
    -----------
    حاسة انك وحشانى قوي
    وداخله مخصوص المرة دى ارد عليكم واجى جرى على مدونتك
    يارب الاقي بوست جديد
    :)

    ReplyDelete
  11. كلام جميل فالإحساس بالأمان ينبع من داخلنا فقط
    تحياتي

    ReplyDelete
  12. حبيبتى سكرتيرة خاصة اجمل شىء الاعتماد على النفس وتحمل المسئولية
    كلامك جميل وفى حكمة ياريت الكل يعقلها
    تحياتى لكى يا قمراية

    ReplyDelete
  13. ماهو من ضمن احلامي ان اعيش في امان وسلام
    بس دة صعب في زمن زي دة وناس عايشين معانا بقلوب حجر
    الله المستعان بقي

    ReplyDelete
  14. كل انسان بيحلم بايه غير الامان والسلام
    ربنا يدبر لنا امورنا
    ويكتب لنا الامان

    ReplyDelete
  15. والله كم افتقد كتاباتك وتعليقاتك اتمنى ان تكونى بخير
    الاحــــــلام

    ReplyDelete
  16. فيييييينك؟؟
    يارب تكوني بخير

    ReplyDelete
  17. عارفة اختي اصعب حاجة لما تحطي امالك وتعليقها في شخص معين ، لو اختفى هذا الشخص من حياتك لن تمضي إلى الامام خطوة واحدة للاسف ,,

    من الجميل ان نحيط انفسنا باشخاص يساعدوننا على التقدم في حياتنا الشخصية والعامة ولكن لنجعل لكل شيء حدود حتى لا نفقد اتزاننا عند اول عثرة تواجهنا ..

    ReplyDelete
  18. بقالي شهر بحاول اسيب كومنت عندك والبلوجر بيرفض
    واخييييرا جيت :)
    عارفة..كتير بننسى نفسنا في وسط الزحمة وبننبهر بشخصيات حوالينا لو فكرنا مين ها يكون جنبنا لما تخلص كل حاجة هنلاقي الاجابة (انت) وعشان كده لازم ناخد بالنا (منا) لان ده فعلا اقرب حد لينا..

    انا باكتب بوستات كتير لكن مش بانشرها لان دي مش يومياتي..يومياتي ملك لفريدة وبسسسس :)
    وكل ما ينفع اني انشر حاجة بانشرها وده سبب غيابي لفترات كبيرة ..معلش بقى استحملوني :)
    صباح مسك وعنبر.

    تيمو
    آسف على الازعاج

    ReplyDelete